बजारमा अर्को नयाँ तीज गीत कोमल वलीको – माननीय ज्यू

काठमाडौं– प्रदेश ५ बाट राष्ट्रिय सभामा निर्वाचित भएपछि कोमल वलीलाई सबैभन्दा धेरै सोधियो– अब तिजमा नयाँ गीत ल्याउनुहुन्छ कि हुँदैन ?

यसअघिका तिजमा कहिले ‘पोइल जान पाम्’, ‘यो त लास्टै चोटी हो’लगयातका गीत गाएर चर्चा र विवादमा तानिएकी वलीलाई यस्तो प्रश्न सोध्नु स्वभाविक थियो किनकि उनले सार्वजनिक रुपमा अब नयाँ करिअर छानेर आफू अगाडि बढ्ने बताउँदै आएकी थिइन् ।

नयाँ राजनीतिक यात्रालाई पनि गीतमार्फत् नै सम्बोधन गर्दै यसपटक कोमल वलीले तिज गीत ल्याएकी छिन्– माननीय ज्यू ।

गायक पशुपति शर्मासँगको ड्युट गीतमा कोमल वलीले नेपाली राजनीतिका विकृत पक्षलाई व्यंग्य गर्दै आफूले गलत काम नगर्ने प्रतिबद्धता जनाएकी छिन् ।

नेपाली समाजको आम बुझाइ छ– एउटा सांसद्ले चाहेको खण्डमा जे पनि हुनसक्छ । यही कुरालाई कोमलले यसपटकको तिज गीतको सार बनाएकी छिन् ।

गितमा विभिन्न अवतारमा गायक पशुपति शर्मा कोमल वलीलाई नाता लगाउँदै अनेक किसिमका उपहार लिएर माननीय भएकाले एउटा काम गरिदिनु पर्ने अनुरोधका साथ उनीकहाँ पुग्छन् । तर, वलीले आफूले ‘घुस’ लिएर त्यस्ता काम नगर्ने भन्दै शर्माका प्रस्तावहरु अस्वीकार गरिदिन्छिन् । त्यसपछि शर्माले निर्वाचनको समयमा भोट माग्न आएमा आफूले देखाइदिने घुर्की गीतमा लगाएका छन् ।

आफूलाई घुस खुवाउन आउनेको भोट नचाहिने वलीको जवाफ हुन्छ । वली प्रतिबद्ध छिन्– गलत काम गरेर आफूले राजनीति गर्नुछैन । यही कुरालाई उनले शुक्रबार आफ्नै युट्युब च्यानलमा सार्वजनिक गरेको गीतको भिडियोको अन्त्यमा पनि उल्लेख गरेकी छिन् ।

माननीय ज्यू बोलको यो गीत पशुपति शर्माले नै लेखेका हुन् । पवित्रा आचार्यको कोरियोग्राफी र दुर्गा पौडेलको निर्देशन तथा छायांकनमा तयार भएको भिडियो युट्युबमा रिलिज भएको केही घन्टामा नै दश हजारभन्दा बढीले हेरिसकेका छन् ।

source :https://www.farakdhar.com/content/19539/ and Singer

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.