सन् २०१० देखि औपचारिकरुपमा हामीहरुले लुम्बिनी-कपिलवस्तु दिवस विश्व अभियानको विश्व समिति गठन गरेर त्यसपछि राष्ट्रियस्तरमा संसारका विभिन्न देशहरुमा राष्ट्रिय समितिहरु गठन गरेर क्रियाशील छौं । हालसम्म गठन भएका १९ देशका राष्ट्रिय समितिहरुमा केहिले बाहेक धेरैजसो राष्ट्रिय समितिहरु सक्रिय हुन नसकिरहेको वास्तविकता हामीहरुको सामु छ ।

यसर्थ, म युरोप सल्लाहकारको जिम्मेवारीमा रहेको नाताले अभियानको भावना र मर्मअनुसार क्रियाशील हुनको लागि युरोपमा भएका र त्यो भन्दा बाहिर रहेका राष्ट्रिय समितिहरुको समेत विशेष ध्यानाकर्षण गराउने उद्देश्यले यो प्रेस वक्तव्य जारी गरेको छु ।

अन्तमा, हाम्रो अभियानको राष्ट्रिय समिति गठन नभएका अन्य मुलुकहरुमा इच्छुक महानुभावहरुलाई राष्ट्रिय समिति गठन गर्नको लागि समेत म यसै प्रेस वक्तव्यमार्फत हार्दिक आव्हान गर्दछु । राष्टिय समिति गठन गर्न चाहना गर्नु हुने महानुभावले मलाई सम्पर्क गर्नु हुन हार्दिक अनुरोध छ ।

दामोदरप्रसाद आचार्य 
युरोप सल्लाहकार 
लुम्बिनी-कपिलवस्तु दिवस विश्व अभियान
अध्यक्ष 
लुम्बिनी-कपिलवस्तु विश्व अभियान, बेल्जियम