पोल्यान्डमा दिन प्रतिदिन बच्चाको जन्म दर कम हुँदै गैरहेको छ ।  यहाँका कामदारहरु धेरै जसो युरोपेली मुलुकमा अलि धेरै तलबको आशमा देश छोडेर पनि गैरहेका छन्  ।

२००४ मा युरोपियन युनियनमा पोल्यान्ड प्रवेश गरेपछि  यहाँको बजार इ यु मा सहज भएको थियो ।

हालै आफ्नो देशमा अत्यधिक मात्रामा जनसंख्या दर कम भएको चिन्तालाई मनन गर्दै पोल्यान्ड सरकारले आफ्ना नागरिकहरुलाई खरायो जस्तै जतिसक्यो धेरै बच्चा जन्माउन अनुरोध गरेको छ ।उक्त अनुरोध पोल्यान्ड सरकारको स्वास्थ्य मन्त्रालय मार्फत यु ट्युबमा खरायो झै बच्चा जन्माएर ठुलो परिवारको राजा हुन आग्रह गरिएको छ ।

स्मरण रहोस् पोल्यान्ड सरकारले बच्चा जन्माउने बाबु आमालाई बच्चाको रेखदेखको लागी २ वर्ष अघिदेखी एउटा परिवारमा  एक जनाको भागमा  महिनाको ८०० ज्लोटी  कमाउन नसक्ने  परिवारको लागी    दिएको सामाजिक सुरक्षा भत्तामा  झन्डै छ  गुणा वृद्धि गरी   एक बच्चा बराबर  ५०० ज्लोटी  झन्डै  १३  हजार मासिक रूपमा बाबुआमालाई  दिदै आएको छ । त्यो भन्दा अगाडि मुस्किलले २ हजार रुपैया जति दिन्थ्यो ।

पोल्यान्ड स्वास्थ्य मन्त्रालयले खरायो झै धेरै बच्चा जन्माउन प्रेरित गर्दै यु ट्युब मार्फतं जारी गरिएको भिडियो